އެ ބުނާ “ސްލޯގެ” މާނަ އޮޅިއްޖެ! 30 އަހަރުވީ ފުވައްމުލަކު ރައްޔިތުންގެ ޒަމާންވީ ހުވަފެންތަކުގައި ކުލަ އިބޫ ޖައްސަވައިފި !
ފުވައްމުލަކު ރައްޔިތުންގެ ޒަމާންވީ އާދޭސްތަކުގެ ތެރޭގައި ފުވައްމުލަކު ރަށް ގިރުމުގެ މައްސަލައަށް ހައްލެ ގެނައުމާއި، ފުވައްމުލަކުގެ އަޑި ގުޑަންމަގުތަށް ރަނގަޅު ފެންވަރަކަށް ހެދުން ހިމެނެއެވެ.
ރައީސް މައުމޫންގެ ވެރިކަމުން ފެށިގެން ގައުމު މިދެކެނީ 5 ވަނަ ރައީސެވެ. މާޒީވި 4 ރައީސުން ވެސް ފުވައްމުލަކު ރައްޔިތުންގެ މި އުއްމީދީ ހުވަފެންތަކުގައި ކުލަ ޖައްސާދޭނެ ކަމުގެ ފޮނި ވަޢުދުވިއެވެ. ނަމަވެސް ރައްޔިތުންގެ މި ޝިކާޔަތަށް ތަސައްލީއެއް ހޯދައި ނުދެވި އެބޭފުޅުން ފެއިލްވެ ވަޑައިގަތީއެވެ.
ފުވައްމުލަކުގެ ގިރާ ސަރަޙައްދު ހިމާޔަތް ކުރުމަކީ ފުވައްމުލަކު ރައްޔިތުންގެ ޒަމާންވީ އެންމެ ބޮޑު އެ ހުވަފެނެވެ. ވޭތުވެދިޔަ ކޮންމެ ސަރުކާރަކުން ފުވައްމުލަކު ރައްޔިތުންނަށް ވެފައިވާ އެންމެ ބޮޑު އެ ވައުދަކީ ގިރާ ސަހަރަހައްދު ހިމާޔަތް ކުރުމުގެ ވަޢުދެވެ.މި ވަޢުދަކީ ރައީސް މައުމޫނުގެ ވެރިކަމުން ފެށިގެން، މިހާރު ހިނގަމުންދާ ވެރިކަމާއި ހަމަޔަށް ވާރުތަވި އރުވެސް ނުފުއްދިފައިވާ ވަޢުދެކެވެ. މި ވަޢުދަށް ޢަމަލީ ސިފަ ގެނެސް، ރައްޔިތުންނަށް އުފާވެރިކަން ގެނެސްދެއްވީ ރައީސް ޞާލިޙްގެ ސަރުކާރުންނެވެ.ގިރާ ސަހަރައްދުގައި ބޮޑު ހިލަ ޖައްސާ މަންޒަރު މިހާރު ލޮލަށް އެއޮތް ފެންނަނީއެވެ.
ފުވައްމުލަކު ރައްޔިތުންގެ ޒަމާންވީ އެނެއް އާދޭހަކީ ރަށުގެ މަގުތަށް ރަނގަޅު ފެންވަރަކަށް ހެނދުމެވެ. ސަބަބުތަކެއް ވެސް ނެތިއެއް ނޫނެވެ.
ފުވައްމުލަކުގެ ބައެއް މަގުތައް ރަށުގެ ރައްޔިތުންގެ ސިފަކުރަނީ އޮށްވަޅުގޮނޑި އާއި ހުވަދޫ ކަނޑުގައި އުފެދޭ ބޮޑެތި ރާޅު ބާނިތަކެއްގެ ގޮތަށެވެ. މިފަދަ މަގުތަކުގެ ސބަބުން ސައިކަލުގައި ދުއްވާފައި ދާއިރު ވަޅުގަނޑުތަކަށް ޖަހައި ކިތަންމެ ބައެއްގެ މައިބަނދަ ވަނީ ގުޑައި، ދާއިމީ ބައްޔަކަށް ބޭސްކުރަން ޖެހި ނުވަތަ ސާރޖަރީ ކުރަން ޖެހިފައެވެ. މިކަމަށްވެސް ހައްލު ގެނެސް، ފުވައްމުލަކުގެ މަގުތަކުގައި ތާރު އަޅައި، ގޮނޑިހެން ތިބި ޗަކަ މަގުތަށް މަޒީއަށް ހަނދައި ، މަގުތަކުގައި ތާރުއަޅައި އެއޮތް، ނިންމަމުން އެ ގެންދަނީ ރައީސް ޞާލިޙުގެ މި ވެރިކަމުގައެވެ.
އެތަށް ރައީސުންގެ ވެރިކަން ނިމިގެން ދިޔައިރުވެސް ނުފުއްދި ފެއިލް ވެފައި ހުރި މި ވަޢުދުތަށް، ފުއްދިގެން މިދަނީ ރައީސް ޞާލިޙުގެ ވެރިކަމުގައެވެ. ހަމަ ގާއިމުންވެސް ސަރުކާރު ސްލޯ ނުވަތަ ރިއެކްޓް ނުކުރާނަމަ މިވެރިކަން ނިމިގެންދާނީ ވެސް، ވޭތުވެދިޔަ އެހެން ސަރުކާރުތަކެކޭ އެއްފަދައިން މިކަންތަކަށް ހައްލު ނުލިބި ރައްޔިތުން މާޔޫސްވެ ތިބެގެންނެވެ.